文档介绍：སྨོན་ལམ་བོད་ཡིག་གསུམ་པའི་རོགས་སྐྱོར་ཡིག་ཆ།
༄༅འདི་ན་མ་ཡུམ་གངས་རིའི་ལོ་རྒྱུས་ཀྱི་
ཕྱི་ཐག་རིང་དུ་བསྲིང་བའི་སྤོབས་པ་ཞིག་
སྨོན་ལམ་བོད་ཡིག་གསུམ་པ་།འགོག་མེད་སེམས་ནས་འཕྱུར་བའི་རླབས་རྩེ་ནས་
དབྱངས་གསལ་སོ་བཞིའི་མེ་ཏོག་དགུན་ལ་བཀྲ།
ཐོག་མའི་གཏམ།
སྨོན་ལམ་བོད་ཡིག་གསུམ་པའི་ཁྱད་ཆོས།
སྒྲིག་འཇུག་བྱ་ཚུལ།
མཛུབ་གནོན་ངོ་སྤྲོད།
ཡིག་གཟུགས་ངོ་སྤྲོད།
བརྙན་ཡོལ་ངོས་བོད་ཡིག་འཆར་ཚུལ།
USP10 ངོ་སྤྲོད།
སྐད་ཡིག་སྡེ་ཚན་ངོ་སྤྲོད།
མཇུག་གི་གཏམ།
.
མཉེན་ཆས་འདི་རིན་མེད་ཐོག་འགྲེམས་སྤེལ་བྱེད་པ་ལས་ཚོང་རྫས་བྱེད་མི་ཆོགབཟོ་སྐྲུན་པ་བློ་བཟང་སྨོན་ལམ།
སྨོན་ལམ་བོད་ཡིག་གསུམ་པའི་རོགས་སྐྱོར་ཡིག་ཆ།ཤོག་ངོས། 2
ཐོག་མའི་གཏམ།
༄༅།།དེ་ཡང་གོ་ལ་རིལ་བོ་འདིར་གནས་པའི་མི་རིགས་ཡོངས་རྫོགས་གཅིག་ལ་གཅིག་བརྟེན་དང་ཕན་ཚུན་འགྲོ་འོང་འགོ་བཙུགས་པ་ནས་བཟུང་འགྱུར་འགྲོས་སྣ་ཚོགས་ཤིག་བྱུང་ཡོད་པ་མ་ཟད།ད་ལྟའི་བརྡ་འཕྲིན་གྱི་
དུས་རབས་འདི་ནི།ཆེས་མགྱོགས་མྱུར་དང་འགྲན་རྩོད་རང་བཞིན་ཅན་གྱི་ལམ་ནས་འཇིག་རྟེན་འདིའི་གཟུགས་ཅན་གྱི་དངོས་པོ་ཡོངས་ལ་དབང་སྒྱུར་བྱེད་པའི་གནས་སྐབས་ཤིག་ཡིན་མོད།བོད་གངས་ཅན་པ་དག་ལ་
མཚོན་ན་གཞི་ནས་ལམ་འདིའི་སྣེ་ཟིན་ཙམ་ཡིན་པ་མ་ཟད།ད་དུང་ལམ་འདིར་ཞུགས་པར་དགག་བྱ་བྱེད་པ་དང་ཐེ་ཚོམ་ལེ་ལོ་བཅས་ཀྱི་གཞན་དབང་དུ་གྱུར་ནས་འགག་སྒོ་སྣ་ཚོགས་ཤིག་ལ་རང་བཞིན་གྱིས་ཐོགས་ཡོད་པ་
མ་ཟད།བརྒྱུད་ལམ་འདིའི་ཐོག་ཏུ་བསྐྱོད་པའི་རྒྱུ་ཆ་དང་མྱོང་གོམས་ཀྱི་ཆ་ནས་ཀྱང་མི་རིགས་གཞན་གྱི་རྗེས་ཟིན་རྒྱུར་ཧ་ཅང་ཐག་རིང་།ཡིན་ན་ཡང་ང་ཚོ་འགྲོ་བ་མིའི་ཚོགས་སྡེ་ཞིག་ཡིན་པའི་ཆ་ནས་འཇིག་རྟེན་འདིའི་
འགྱུར་འགྲོས་ལ་མ་བརྟེན་པར་ང་ཚོ་ཁེར་རྐྱང་དུ་གནས་པའི་ས་ཆ་ཞིག་གོ་ལ་རིལ་བོ་འདིར་ལྷག་མེད།དེར་བརྟེན་ང་ཚོར་ཡོད་པའི་རྩ་ཆེའི་རིག་གཞུང་འདི་དེང་རབས་འཕྲུལ་རིག་ལ་བརྟེན་ནས་འཛིན་སྐྱོང་སྤེལ་གསུམ་
བྱེད་དགོས་རྒྱུ་ནི་ཁ་ཚ་དགོས་གཏུགས་ཤིག་ཡིན།དེ་ཡང་རང་ཉིད་ནས་འགོ་འཛུགས་དགོས་པ་ལས་མི་གཞན་ཞིག་ལ་རེ་བ་དང་ཡིད་ཆེས་བྱེད་པ་ཙམ་གྱིས་མི་ཕན།སྤྱི་ཚོགས་ཀྱི་སྣེ་ཁྲིད་དགོས་ན་དུས་ཀྱི་འགྱུར་འགྲོས་དང་
གནས་བབ་བཅས་ལ་ཞིབ་འཇུག་བྱེད་དགོས་པ་ལས་སྤྱི་ཚོགས་ལ་ཕན་ཐོགས་མེད་པའི་ལེགས་བཤད་ཅི་ཙམ་ཡོད་ཀྱང་ཤེས་ཡོན་ཅན་ཉུང་ཤས་ཤིག་གི་ཁོར་ཡུག་ཙམ་ལས་སྤྱི་ཚོགས་ནང་ཁྱབ་སྤེལ་དང་སྣེ་ཁྲིད་བྱེད་མི་ཐུབ།
དེང་སྐབས་ཤེས་ཡོན་ཅན་སྤྱི་དང་ལྷག་པར་གཞོན་སྐྱེས་ཚོར་མཚོན་ན་བརྡ་འཕྲིན་གྱི་ལམ་འདིར་མི་ཞུགས་ཀ་མེད་ཀྱི་གནས་སྟངས་ཤིག་ཆགས་ཡོད།ལམ་དེར་ཞུགས་པར་རང་ཉིད་ཀྱི་སྐད་ཡིག་ལ་བརྟེན