文档介绍：鹿鼎记Ⅰ粤语全剧本
旁白：清朝康熙初年，因年幼未能亲政，故委任四名顾名大臣，辅佐少主，其中以鳌拜最为凶狠，上则挟天子以令诸侯，下则屡兴文字狱，残杀汉人，引致八旗大臣同民间侠士全部极度痛恨，尤其以天地会盟主陈近南无时无刻全部想消亡呢个大奸臣！
众人：大人神功盖世，天下无敌。
鳌拜：天地会反贼不知自量，简直自寻死路。马上下令全力缉拿反贼头子陈近南！
众人：遵命！
海大富：奴才海大富叩见皇上。
康熙：平身。
海大富：喳。
康熙：七旗旗主件事办妥未呀？
海大富：七位旗主叫奴才回复皇上，佢哋一定按时抵达丽春院。
康熙：你以为呢件事点睇？
海大富：皇上，鳌拜为正白旗撑腰，欺压七旗贵族。七旗旗主早存怨恨。只不过畏于鳌拜爪牙众多，不敢轻举妄动。今次得皇上肯屈就万金之体，联同七旗主喺宫外秘密商议对付鳌拜嘅策略。七位旗主深感圣恩。
康熙：今次事关重大。况且朕今次微服出巡，同七位旗主喺宫外秘密商议，喺烟花之地出现，一直唔系一件体面嘅事。你要记住，除咗你同七旗旗主之外，事后知道嘅人通通全部要处斩。朕经已长大***，唔期望好似木头公仔噉任人摆布。
海大富：皇上英明！
龟公：楼上楼下嘅姑娘呀！出嚟见客喇！
嗍女：走啦！阻住晒人哋听古呀！
韦小宝：各位观众！多谢大家哄到咁埋，坐到咁直嚟听我讲古，全部算畀面喇！今日要讲嘅人物就系天地会嘅总舵主陈近南。有所谓平生不见陈近南，就便称英雄也枉然。佢身高八尺，腰围又系八尺。
听客：哗！噉咪即系四方？！
韦小宝：四方咪四方啰。唔顺呀？！一样米养百样人。八角形全部有呀！讲你听吖！佢武功嘅明堂就为之九天十地菩萨摇头怕怕霹雳金刚雷电掌。一掌打出，方圆百里之内，不论人畜、虾蟹、虱乸全部要化为飞灰嘅！
听客：哗！——
韦小宝：嗨！不过呢个人行踪冇定，飘忽无踪，但系我系机缘巧合之下，就曾经见过佢半面噃。
听客：一系见过，一系未见过。点会见到半面架？
韦小宝：因为佢真系遮住半边面啰！傻仔！未听过犹抱琵琶半遮面架？！你未读过书架，懵仔？即使我只系见过佢半面，但系一见倾心，熊熊声噉走去斩鸡头烧黄纸结拜为弟兄！
大话周星驰站zhouxingchi
龟公：收声！啊！你个死仔挂住喺度讲古，搞到一个二个全部唔叫鸡！
韦小宝：系大家自愿听我讲古而唔愿叫鸡咋㖞！况且叫鸡危害健康，好事嚟吖！
龟公：重话好事？你家姐全部系鸡咋！冇人叫佢就食屎吖！
韦小宝：食屎有益身心㖞，留返畀你吖。
龟公：你叫我食屎？！等我搞掂你！
韦小宝：唔该晒你呀，盲公！
海大富：乜咁睇唔开呀？
龟公：对唔住呢位大爷，千祈唔好见怪呀。
龟公：你个衰仔÷鋰剑?br>韦小宝：你道歉先啦！
龟公：我道歉？！未打够呀？
一鸡：大件事喇！有些人缩阳呀！快啲嚟啦！揾人睇吓佢啦！有些人缩阳喇！
韦小宝：有些人缩阳呀！快啲叫我家姐！
海大富：边个系你家姐？
韦小宝：京城房事状元，天下第一美人韦春花！
韦春花：唔好意思！
康熙：呢啲噉样嘅烟花之地，真系混乱不堪！
海大富：此地不宜久留，七旗旗主已经喺入便等紧我哋。
康熙：呣！
一鸡：哩，咪系佢啰。就系佢缩阳呀。
韦小宝：缩成点呀，睇过！喂！你缩咗去边呀？
龟公：喂！死咗未呀？死咗就丢咗佢啦，唔好整污糟呢度！
韦春花：边个缩阳呀？冇死得咁易！
韦小宝：肥佬晶啰！死唔死得唔知咯。
韦春花：好简单啫。托起佢呀！
龟公：做咩呀？啊？
韦春花：就凭我韦春花咁多年嘅经验呀！假如男人一缩阳呢，只要喺佢尾龙骨大穴位度攞支钗一厾落去，就会“厾咬”，噉样弹返出嚟架喇。
龟公：哦！
韦春花：托起佢个窟！
韦小宝：哎吖！差啲畀佢扳中！
韦春花：冇嘢睇吖！冇嘢睇吖！返落去啦！返落去啦！
官兵头：行开！企埋一边！做乜嘢呀？
韦春花：做咩呀？
官兵头：冚棒唥咪喐！我哋嚟捉拿天地会反贼陈近南嘅。搜！
众人：系！
七旗旗主：参见皇上！
康熙：出便咩事？
海大富：皇上，系鳌拜嘅人！四大高手到齐！
康熙：系咪嚟揾朕架？
海大富：相信唔系。
韦小宝：咩呀？咩呀？咩呀？做咩呀？做咩呀？咩事干呀？咩呀？咩呀？咩呀？
官兵头：边个知道陈近南喺边？
韦春花：咩呀？
众人：佢呀！
韦小宝：我讲古架啫，大佬！
官兵头：拉佢返去严刑拷问！
画外音：不得滥杀无辜！
陈近南：陈近南在此！
韦小宝：陈近南？！
陈近南：周堂主，有机会走先！